Accessibility links

шимбә, 23 сентябрь 2017, Казан вакыты 03:19

Петербур метросындагы террор гамәлендә үлүчеләр саны 15кә җитте


Метродагы терактта зыян күрүчеләр өчен донорлар кан тапшырды

Петербур метросында 3 апрель булган терактта һәлак булучылар саны 15кә җиткән. Хастаханәдә тагын бер кеше үлгән.

Петербур вице-губернаторы Анна Митянина хәбәр итүенчә, шәһәр метросында шартлау нәтиҗәсендә зыян күргән бер кеше хастаханәдә вафат булган. Шулай итеп, интихарчыны да санаганда, теракт корбаннары саны 15кә җитте.

11 апрельгә Петербур метросында зыян күрүчеләр итеп 102 кеше танылды. 51 кеше, шул исәптән бер бала, хастаханәләрдә ята. Терактта һәлак булган 13 кеше җирләнгән.

3 апрель Петербур метросында шартлау булды. Рәсмиләр моны террор гамәле дип атады.

Шартлау оештыруда Кыргызстан ватандашы Акбаржон Җәлилов шикләнелә.

6 апрель көнне Тикшерү комитеты Петербур һәм Мәскәүдә терактка бәйле булуда шикләнелгән сигез кешенең тоткарлануын әйтте.

XS
SM
MD
LG