Башкортстанның Мәләвез районындагы иң зур авылларның берсе Җиргәндә яшәүчеләр, якындагы чүплекне икенче урынга күчерү таләбе үтәлмәсә,Уфа-Оренбур юлына чыгу ихтималлыгы турында кисәтә. Әлеге чүплекне тыю турында мәхкәмә карары булса да, авыр йөк машиналары бирегә чүп ташуны дәвам итә. Халыкның мөрәҗәгатен тикшерергә дип килгән Николай Веселовны, республиканың Экологлар берлеге рәисен, каравылчы чүплек биләмәләренә кертмәде. Уфа-Оренбур юлына якын гына урнашкан чүплектән җил чүпләрне һәм сасы исне тирә якка тарата.