15 май Казанның Сәйдәш залында 2017 елның Ваһапов фестивален йомгаклау чарасында сәхнәгә чыккан җырчылар арасында Рәшит Ваһаповның кайсы авылда тууын, әлеге бәйгенең беренчесе кайчан узганлыгын белмәүчеләр дә бар. Унлап яшь җырчы арасында Рәшит Ваһаповның җыр сәхнәсенә күтәрелгәнчегә кадәр кемнәр булып эшләвен икәү генә әйтә алды. Азатлык Сәйдәш залында үткән концерт вакытында сораштыру үткәрде.