Быелның язгы чакырылышыннан башлап Русия армиясенә Кырымнан алынган яшьләрнең 10 проценты Русия төбәкләренә җибәрелә башлады. Киләчәктә бу сан арта барачак, ләкин кырымнар арасында Русия армиясендә хезмәт итәргә теләмәүчеләр дә бар. Русия армиясенә чакырылыш һәм кырымтатарлар турында Азатлыкка Кырым кеше хокуклары контакт төркеме координаторы Абдурешит Джеппаров сөйләде.