Accessibility links

Башкортстанда үпкә кан басымыннан җәфаланганнарның беренчесе вафат


Башкортстанда үпкә кан тамырларында басым күтәрелүдән җәфаланган, дәүләт ярдәме туктатылу сәбәпле үлем чигендә яшәгәннәр арасында беренче корбан бар. Илья Борщукны 15 июньдә җирләделәр. Ильяның дарулары бетү белән ул вафат булган. Әнисенең пенсиясе сигез мең сум, үзе 20 мең сум алып эшләгән. Ә бер айлык дарулар 300 мең сум тирәсе тора. Хәзер республикада мондый сирәк авырудан 20 кеше интегә. Ике ай элек Башкортстан бюджетыннан дарулар алырга ярдәм туктатылгач алар үлем чигендә калды. Берсенең дә мондый кыйммәтле дарулар алырга мөмкинлеге юк. Республика бюджетыннан дарулар белән ярдәм итү федераль кануннарга туры килмәү сәбәпле туктатылган. Бу авыруларның барысы да икенче төркемдәге инвалидлар. Алар дарулар белән ярдәм итүне яңарту таләбе белән митингларга да чыгып карады, әмма һаман да аларны ишетүче юк.

фикер әйт

фикерләрне күрсәт

XS
SM
MD
LG