Гаризада 300гә кадәр кеше катнашачак дип белдерелгән. Әремцәннәрнең күпчелеге Тубылда яши, авылның үзеннән дә киләчәкләр, дип хәбәр итте Азатлыкка тумышы белән Әремцәннән булган тарих фәннәре кандидаты Гөлзифа Бакиева.
Май башында Әремцән авылы тирәсендә целлюлоза-кәгазь җитештерү корылмасы төзеләчәге турында билгеле булды. Авыл халкы моңа каршы.
11 май Әремцәндә бу төзелешкә каршы имзалар җыю башланды. Шулай ук халык Төмән губернаторы Владимир Якушевка хат та юллады. Авыл халкы фикеренчә, әлеге комбинат якын ун елда экологиягә зыян китерәчәк һәм, гомумән, авылны юк итәчәк.
