Чичкан бәйрәменә Казаннан язучы, "Мәдәни җомга" газеты баш мөхәррире Вахит Имамов та килгән иде. "Көнләштергәне – менә шушылай матур итеп, хөкүмәттән ярдәм көтмичә, үзегез җыелышып, җәмәгать акчасына бәйрәм дә итә беләсез. Яшереп тормыйм, сездәге үрнәк тизрәк Татарстанда яшәгән татарларга да күчсен иде. Сездәге "чир" безгә дә йоксын иде дип китәм", дип сөйләде Имамов. Чичканда туып үскән язучы, Тукай бүләге иясе Ркаил Зәйдулла халыкка авыл тарихын яза башлавын белдерде.