8 ноябрь Татарстан Дәүләт шурасы утырышында мәктәпләрдә татар телен укытуның Мәскәү белән яраклаштырылган компромисс варианты тикшерелде. Татарстан мәгариф министры Энгел Фәттахов сишәмбе Русия мәгариф министры Ольга Васильева белән күрешүен һәм татар телен укыту мәсьәләсендә компромисс карарга килүен әйтте. Татар теле дәүләт теле буларак 1-9нчы сыйныфларда атнасына ике сәгать, югары сыйныфларда ихтыяри булачак диелде.