Активист Рәфыйк Кәримулла Азатлыкка сөйләвенчә, урамда бишәр мең әләм һәм тасма таратылган. "Чараның максаты - Татарстан гербын халыкка таныту. Бөтен халык та бу бәйрәм турында белми, Татарстан хакимияте дә бу мөһим көнне берничек тә үткәрми дяирлек, бу бик аяныч", диде Кәримулла. Мондый чара инде сигезенче ел уздырыла.
Активист сүзләренә караганда, полиция алар янына килмәгән, тоткарлаулар да, кисәтүләр дә булмаган.
7 февраль көнне "Азатлык" татар яшьләре берлеге Бауман урамында Татарстан туграсы көненә багышлап пикет уздырмакчы иде. Ләкин Казан хакимияте моңа рөхсәт бирмәде. Бу көнне анда башка чара уздырылачак дигән сәбәп күрсәтелде.
