Эрдоган әлеге карарны Төркиянең тиз арада "башкарма президентлыкка" күчәргә кирәклеге белән аңлатты. Сайлауларны алдан уздыру идеясе белән Төркиянең Милләтче хәрәкәт фиркасе җитәкчесе Дәүләт Бахчели чыккан.
Төркия парламент системыннан президент системына күчәчәк. Бу очракта президентка күбрәк вәкаләтләр биреләчәк. Үзгәрешләр сайлаулардан соң гамәлгә керә.
Төркиядә киләсе парламент һәм президент сайлаулары 2019 елның ноябрендә узарга тиеш иде.
