Accessibility links

Кайнар хәбәр

Аркадий Бабченко исән. Аңа һөҗүм махсус операция булган


Аркадий Бабченко матбугат очрашуында, 30 май 2018

Кичә үлеме хәбәр ителгән Аркадий Бабченко исән булып чыкты. Бу - Украина иминлек хезмәтенең махсус операциясе булган. Журналистка һөҗүм итүдә шикләнелүче кеше тоткарланган, дип хәбәр ителә.

Бу хакта матбугат очрашуында Украина иминлек хезмәте вәкилләре белдерде. Бераздан журналистлар каршына Бабченко үзе дә чыкты.

"Миңа заказ барлыгын әйттеләр. Инде акча да [үтерүгә] күчерелгән, 40 мең доллар. Документлар, минем паспорт мәгълүматын, фотосурәтне күрсәттеләр. Мәгълүматның Русиядән килүе аңлашылды. Миңа махсус операциядә катнашырга тәкъдим иттеләр, башка вариант булмаган", дип сөйләде Бабченко.

Украина иминлек хезмәте башлыгы Василий Грицак сүзләренчә, үтерү ниятендә шикләнелүче тоткарланган.

"Мин Аркадий Бабченко гаиләсенең кайгысын уртаклаша алыр идем, ләкин алай итмим. Киресенчә, Аркадийны өченче туган көне белән котлыйм һәм залга үзен чакырам", диде Грицак.

Былтыр Русиядән Киевка күчеп киткән журналист Аркадий Бабченконы үтерү турындагы хәбәр 29 май кич таралды. Аның аркасына атканнар диелгән иде.

фикер әйт

фикерләрне күрсәт

XS
SM
MD
LG