Facebook һәм аның өлеше булган Instagram-нан 32 шикле сәхифә алынган. Ширкәт җитәкчелеге мәгълүматына күрә, әлеге сәхифәләрдә кулланучыларны алдаучы мәгълүмат урнаштырылган. Бу сәхифәләрне алып баручылар үз максатларын яшергән. Шикле акканутларның 290 меңнән артык язылучысы булган.
Апрельдә Facebook Русиядәге кулланучылар ачкан йөзләгән аккаунтны япкан иде. Алар "трольләр фабрикасы" дип аталган интернет тикшеренүләр агентлыгы белән бәйле диелде.
АКШта соңгы президент сайлауга Русиянең тыкшыну ихтималы тикшерелә. Трамп штабы демократлар намзәте Һиллари Клинтонга каршы Кремль белән яшерен рәвештә килешеп эш иткән булырга мөмкин диелә. Трамп та, Кремль дә моны кире кага.
