Башкортстанның Авыргазы районында яшәүче ханым танылган якташларының шигырьләрен тукымага чигеп халыкка таныту юлын тапкан. Гөлфия Ханнанова башкорт шигъриятен мәңгеләштерүне чигү аша башкара. Хаклы ялга чыккач ул чигә башлый. Тора-бара аның иҗат җимешләре барлыкка килә. Авылдашы Рәшит Назаров иҗаты остабикәнең коллекциясендә төп урын алып тора. Әле ул якташының йорт музеен ачу хыялы белән яна. Талбазы башкорт гимназиясендә моның өчен аерым бүлмә дә бирергә әзерләр. Гөлфия Ханнанова киләчәктә иҗат эшләреннән күргәзмә оештыру нияте белән яна.