Accessibility links

Кайнар хәбәр

Ростовта биш кырымататар җәмгысе 68 елга ирегеннән мәхрүм ителде


"Хизб ут-Тәхрир"нең Акмәчет эше нигезендә гаепләнүчеләр

18 июнь Дондагы Ростовта Русиянең көньяк хәрби мәхкәмәсе Акмәчеттәге "Хизб ут-Тәхрир" эше нигезендә биш кырымтатарны җәмгысе 68 елга ирекләреннән мәхрүм итте. Прокуратура колония җәзасын әзрәк вакытка сораган иде.

Русиядә тыелган "Хизб ут-Тәхрир" оешмасында катнашуда гаепләнгән Теймур Абдуллаев 17 елга, Узеир Абдуллаев – 13, Рустем Исмаилов – 14, Айдер Салединов һәм Эмиль Джемадинов – 12шәр елга кырыс шартлы колониягә хөкем ителделәр. Алар Русиядә тыелган "Хизб ут-Тәхрир" оешмасында катнашуда гаепләнделәр. Теймур Абдуллаев шулай ук әлеге оешманың Акмәчеттә бүлекчәсен булдыруда да гаепләнде.

Теймур Абдуллаевтан тыш, барысы да прокурор сораганнан бер елга озаграк вакытта ирекләреннән мәхрүм ителде.

Хөкем ителүчеләрнең берсе дә гаепләрен танымады. Адвокатлар хөкем карарына аппеляция шикаяте тапшырырга җыена.

Хөкем ителгәннәрнең туганнары мәхкәмәдә
Хөкем ителгәннәрнең туганнары мәхкәмәдә

Биш кырымтатар 2016 елның октябрендә йортларында тентү узганнан соң тоткарланганнар иде. Алар Русиядә һәм аннексияләнгән Кырымда тыелган "Хизб ут-Тәхрир" оешмасында катнашуда гаепләнде. Былтыр декабрьдә биш кырымтатар Дондагы Ростовка тикшерү изоляторында күчерелде.

10 июньдә Рөстәм Исмаиловның кайнатасы Энвер Омеров (58 яшь) һәм аның улы Риза Омеровның өйләрендә куәт оешмалары тентү үткәреп, үзләрен тоткарладылар. Акмәчетнең Киев районындагы Русия хакимиятләре контролендәге мәхкәмәсе аларны һәм тагын алты кырымтатарыны 5 августка кадәр сак астында калдырды. Алар да "Хизб ут-Тәхрир" оешмасында катнашуда шикләнелә.

Белешмә: Хизб ут-Тәхрир

"Хизб ут-Тәхрир" – халыкара исламчы сәяси фирка. Тыныч юллар белән ислам хәлифәте оештыруны максат итеп куя һәм күп кенә илләрдә тыелмаган. Русия Югары мәхкәмсе 2003 елда "Хизб ут-Тәхрир"не террорчылык оешмасы дип таныды. Русия җинаять кодексында террорчы оешма оештыру өчен гомерлек төрмәгә кадәр җәза каралган.

фикер әйт

фикерләрне күрсәт

XS
SM
MD
LG