Уфада көчле томан сәбәпле, дүрт очкыч шәһәр һава аланына төшә алмаган.
"Северный ветер" (Мәскәү-Уфа), "Нордавиа" (Петербур-Уфа), "Аэрофлот" (Мәскәү-Уфа) һәм "Төрек һава юллары" авиаширкәтләре очкычларына һава шартлары Уфага төшәргә мөмкинлек бирмәде. Алар Екатеринбур һәм Казанга җибәрелде", дип яза Башинформ Уфа һава аланы матбугат хезмәтенә сылтанып.
Моннан тыш, томан сәбәпле, "Ямал" авиаширкәтенең Ноябрьскига очарга тиешле рейсы 1 сәгать 35 минутка тоткарланган.
Калган очышлар җәдвәл нигезендә башкарыла.
