Русиядә танылу алган саксофончы Игорь Бутманның Нью-Йоркта атаклы Blue Note клубында узачак концертына карата протест чаралары бара. Аларда якынча утызга якын кеше катнаша. Музыкантны аның сәяси карашлары өчен тәнкыйтьлиләр. Аерым алганда, Русиянең Кырымны басып алуы, Украинага карата агрессиясе һәм гомумән Русия президенты Владимир Путинның сәясәтен яклавын гаеп итәләр.
Кешеләр “Сугышны пропагандалаучыларга оят булырга тиеш!”, “Кырым Украинаныкы” һәм башка язулар тотып тора.
Бутман концертлары Балтимор, Чикаго, Майами һәм Бостонда да узачак, аларны да протест чаралары белән каршылаячаклар дигән активистлар.
17 гыйнварда Нью-Йоркның Карнеги-холлында узган “Үзгәреш җиле” концертына каршы да урам чарасы оештырылды. Концертны Чулпан Хаматова алып барыун тәнкыйть иттеләр. Чулпан Хаматова элек Владимир Путинны хуплап чыккан иде.
