"Белый счетчик" мәгълүматларына караганда, Мәскәү үзәгендә узган йөрештә 22 мең кеше катнашкан. Полиция катнашучылар ике тапкыр әзрәк булды дип белдерә.
Йөрештә Немцовны үтерүне тикшерүне һәм аны үтерергә кушучыларны хөкем итүне таләп иттеләр, шулай ук Русиядә сәяси репрессияләргә, президент Владимир Путинның Конституция үзгәрешләренә каршы чыгыш ясадылар.
Чарада, моннан тыш, Мәскәү дәүләт университеты аспиранты Азат Мифтаховны азат итүне сорап язылган зур плакат та күтәрелде.
Йөрештә Татарстан байраклары да бар иде. Аларны Мәскәүдәге җәмәгать эшлеклеләре алып чыкты.
Йөрештән соң халык Немцов үтерелгән күпергә чәчәкләр салды.
Русия президенты Владимир Путинны кискен тәнкыйтьләгән Борис Немцов 2015 елның 27 февралендә Мәскәү үзәгендәге Большой Москворецкий күперендә атып үтерелде.
Чечняның бу үтерүгә яллануда гаепләнгән биш кешесенә 2017 елның июлендә төрмә җәзасы бирелде.
Безгә хәбәр җибәрергә яки элемтәгә керергә теләсәгез, WhatsApp-ка языгыз.
