Accessibility links

Кайнар хәбәр

Русиядә коронавирус йоктыруның яңа 1154 очрагы рәсми теркәлде


Татарстанда яңа очраклар юк, Башкортстанда тагын ике кешедә вирус табылган.

7 апрельгә Русиядә коронавируслы авырулар саны 7497гә җитте. Соңгы тәүлектә COVID-19 тагын 1154 кешедә расланган. Бу мәгълүматны Русиянең коронавируска каршы көрәш оператив штабы китерә.

Татарстанда яңа очраклар юк. Бүгенге көндә республикада 41 кешедә коронавирус ачыкланган, шуларның сигезе савыгып хастаханәдән чыккан. 6 апрель иртәсенә республикада 16 яңа очрак булуы хәбәр ителгән иде. Аларның барысы да читтән кайткан кешеләр диелде.

Башкортстанда 7 апрельгә COVID-19 тагын 2 кешедә расланган. Республикада 10 кешедә бу вирус ачыкланган иде. 5 апрельдә Башкортстанның республика клиник хастаханәсендә үлеп киткән 80 яшьлек әбинең коронавирус йоктырган булуы ачыкланды.

Хастаханәнең 5 хезмәткәре һәм ике авыру үпкә ялкынсынуы диагнозы белән йогышлы авырулар хастаханәсенә озатылган. Аларны коронавируска тикшерәләр.

Соңгы тәүлектә Русиядә коронавирустан 11 кеше үлгән. Вирус тарала башлаганнан алып барлыгы 58 кеше үлде.

фикерләр (1)

бу форум ябык
XS
SM
MD
LG