Accessibility links

Кайнар хәбәр

Төркиянең 31 шәһәрендә 13 апрельгә кадәр өйдән чыгу тыелды


Истанбул урамы яңа тыюга кадәр

Төркиядә бүген төнге 12дән башлап 12 апрель төнге 12гә кадәр 31 шәһәрдә 48 сәгать буена урамга чыгу тыелды. Бу тыю - коронавируска каршы чара.

10 апрель төнендә Төркия эчке эшләр министрлыгы илнең 31 шәһәрендә һәм төбәкләрдә урамга чыгуны 48 сәгатькә тыйды.

Урамга чыгу тыюы 10 апрель төнге сәгать 12дә башлана һәм 12 апрельдә төнге сәгать 12дә тәмамланачак.

Урамга чыгу тыелган шәһәрләр арасында башкала Әнкара, Истанбул, Измир, Трабзон кебек иң зур шәһәрләр дә бар.

Даруханәләрдә, хастаханәләрдә эшләүчеләр, кан бирергә җыенучылар, икмәк пешерү урыннарында эшләчеләр урамга чыгу тыюыннан чыгарма булачак.

Төркиядә 17 марттан башлап 10 апрельгә кадәр 1006 кешенең коронавирустан үлүе теркәлде. Авыручылар саны 47 меңнән артып китте. 2400 дән артык кеше терелде.

Коронавирус нәрсә ул?

Коронавирус дип генетик яктан бер-берсенә якын булган вируслар төркеме атала. Алар аерым хайваннарга һәм кешегә йога ала. Кайчак андый йогу ачык билгесез уза, кайчак салкын тию рәвешендә сизелә. Авыр очракларда инфекция пневмониягә китерә ала, ул исә кешенең үлеме белән тәмамланырга мөмкин. Чирнең авырлыгы вирусның төреннән һәм штаммыннан, организмның үзенчәлекләреннән тора.

Төп симптомнар:

  • югары температура
  • коры ютәл
  • хәлсезлек
  • тән сызлау

Саклану чаралары:

  • гигиена (кул юу, авыз-борынга тимәү)
  • башкалардан ара тоту ( кимендә 2 м)
  • кеше күп җыелган урыннарга бармау
  • витаминга бай җиләк-җимеш, яшелчә ашау
XS
SM
MD
LG