"Татарча подкаст"ның чираттагысында шәхес үсешенә, үз-үзеңне камилләштерүгә багышланган китаплар, марафоннар, тренинглар турында сөйләштек. Дубай шәһәрендә яшәүче блогер, мондый китапларны бик күп укыган һәм шәхес үсешенә багышланган күп кенә онлайн-марафоннарда катнашкан Әлфия Бәдретдинова үз тәҗрибәсе белән уртаклашты. "Белем.ру" ширкәте һәм "Татнетны үстерү фонды" мөдире Раил Гатауллин төрле марафоннар оештыру турында сөйләде. 90 көн эчендә ничек миллионер булырга дигән сорауга да җавап эзләдек.