Ялгыз пикетлар бер сәгать чамасы дәвам итте, аннары полиция анда катнашучыларны тоткарлый башлады. Алексей Бояров, Дмитрий Блюм, Тимур Төхвәтуллин, Эльвира Бутакова һәм Наилә Мулаева полиция бүлегенә китерелде.
Наилә Мулаева - Питрәч районы депутатлыгына теркәлгән намзәт. Аны тоткарлау өчен прокурор рөхсәте кирәк.
Чарада барлыгы җиде кеше катнашты. Пикетка чыгучылар чиратлар басып торды. Алар кулларына "Минем Русия агуланган", "Русия, үзеңне сакла! Навальныйны коткарырга чык!" дип язылган плакатлар тотып торды. Алар янына шунда ук полиция килде.
Алексей Навальный 20 августта Омскида авыр хәлдә хастаханәдә ята. Аны агуланган дип шикләнәләр.
