Азатлыкның 2020 елда чыккан соңгы подкастында җәмәгать эшлеклесе, активист Тәбрис Яруллин һәм танылган алып баручы, "Тәртип" радиосының башкарма продюсеры Айваз Садыйров белән елга йомгак ясадык. Тәбрис тә, Айваз да "Татарча подкаст"та пандемия башланганда бер катнашкан иде, алар шул вакыттан соң булган үзгәрешләр турында сөйләде, артистларның челтәрле бизнеска кереп китүеннән башлап татар халкының үсеш стратегиясенә кадәр фикерләр яңгырады.