Русиядә COVID-19 тарала башлаганнан бирле барлыгы 60 457 кеше әлеге авырудан үлгән. Бу хакта 7 гыйнварда федераль оператив штаб хәбәр итте. Рәсми саннарга караганда, соңгы тәүлектә коронавирустан тагын 506 кеше үлгән.
7 гыйнварда Русиядә COVID-19 йоктыруның барлыгы 3 332 142 теркәлгән, аларның 2 709 452се терелгән дип санала.
Татарстанда коронавирустан барлыгы 206, Башкортстанда - 152 кеше үлеүе турында рәсми хәбәр ителде.
- Коронавируска каршы көрәш штабы һәм Росстат мәгълүматлары аерыла. Росстат декабрьнең беренче яртысында ук COVID-19 инфекциясеннән 78,6 мең кеше үлгән дип белдерде.
- Вице-премьер Татьяна Голикова оператив штаб белән Росстат мәгълүматларының аерылуын төрлечә исәпләүләр белән аңлатты.
