Accessibility links

Кайнар хәбәр

"Ак Барс" җанатарлары Уфадагы хәл өчен 100 мең сум штраф түләячәк


"Ак барс" җанатарлары.

Плей-офф сериясенең өченче уены алдыннан Казан клубы җанатарлары тәртипсезлеге өчен штраф салынган.

Континенталь хоккей лигасы (КХЛ) Уфада булган хәл аркасында Казанның "Ак Барс" хоккей клубына җәза билгеләгән. Ул 100 мең сум күләмендә штрафтан гыйбарәт. Бу карар 21 мартта плей-офф сериясенең өченче уенында "Ак Барс" җанатарлары Башкортстан гимны яңгыраганда тавышланганы өчен чыгарылган. Әлеге сумманы җанатарлар үзләре җыеп түләргә алынган дип яза "Спорт-эспресс".

Моннан тыш, сериянең дүртенче уены алдыннан "Ак Барс" җанатарларын аренага кертми торачаклар, Башкортстан гимны яңгыраганнан соң гына кертәчәкләр. Бу әлеге хәл кабатланмасын өчен эшләнә диелә.

Аннан алда Дөнья башкорт корылтае казаннарның тәртибен тикшерүне сорап, КХЛга мөрәҗәгать иткән иде. Кайбер чыганакларга карый, КХЛ штрафны әлеге мөрәҗәгатькә кадәр үк салган.

"Ак Барс" клубы вәкилләре Уфадагы хәлне аңлашылмаучылык аркасында килеп чыккан дип белдерә. Казан такымы җанатарлары а-капелла башкарылган гимнны ишетмәгән, техник тоткарлык килеп чыккан дип уйлаган, һәм, яраткан такымына теләктәшлек сүләре кычкырып, килеп туган тынлыкны тутырырга теләгән диелә.

"Гагарин касәсе" кысаларында дүртенче уен 23 мартта узачак. Өченче уенда "Ак Барс" такымы "Салават Юлаев"ны 2:1 исәбе белән җиңде.

🛑 Әгәр сезнең провайдер безнең сайтны томалап куйса, аптырамагыз, телефон йә планшетыгызга Азатлыкның RFE/RL әсбабын йөкләгез (App Store һәм Google Play кибетләрендә бушлай) һәм татар телен сайлагыз. Без анда да ничек бар, шулай!

🌐 Шулай ук, безнең Telegram каналына кушылырга онытмагыз!

фикерләр (1)

бу форум ябык
XS
SM
MD
LG