Казандагы Камал театры янында Татарстанның халык артисты Хәлим Җәләй белән хушлаштылар. Ул 5 июньдә 81 яшендә вафат булды, Казанның мөселман зиратында җирләнде. Хәлим Җәләй 1940 елның 27 апрелендә Татарстанның Балык Бистәсе районы Олы Солтан авылында туа. 1965 елда Казан театр училищесын тәмамлый һәм Камал театрында эшли башлый. Театрда һәм татар киноларында дистәләрчә роль башкара. Хәлим Җәләй язучы һәм тәрҗемәче дә иде.