Казанда Татарстанның халык артисты Рәшит Шамкай белән хушлаштылар. Ул 81 яшендә вафат булды. Рәшит Шамкай 1940 елның 26 маенда Самар өлкәсенең Камышлы районы Иске Ярмәк авылында туа. 1966 елда Казан театр училищесын тәмамлый. 1967—1968 елларда Минзәлә театрында, 1968-2001 елларда Галиәсгар Камал исемендәге Татар дәүләт академия театрында, соңрак эстрада сәхнәсендә эшли. Артист хатынының туган ягында - Арча районы Түбән Оры авылында җирләнде.