Accessibility links

Кайнар хәбәр

Германиянең канцлеры социал-демократ Олаф Шольц булачак 


Олаф Шольц
Олаф Шольц

Бундестагка узган өч фирка идарә итүче коалиция төзү турында килешкән. Килешү 24 ноябрьдә тәкъдим ителәчәк.

Германиянең федераль канцлеры вазифасында Ангела Меркельне
Германиянең Социал-демократик фирка лидеры Олаф Шольц алыштырачак. Бундестагка узган өч фирка идарә итүче коалиция төзү турында килешкән. Килешү 24 ноябрьдә тәкъдим ителәчәк.

Бундестагка сайлаулар нәтиҗәсендә социал-демократлар хәзерге хакимияттә алар белән бергә катнашучы христиан-демократларны узып беренче урынга чыкты.

Яңа коалициягә Германиянең социал-демократик фиркасе белән беррәттән "Яшелләр" һәм Ирекле демократик фирка керәчәк, дип хәбәр итә DPA агентлыгы.

Бундестагка сайлаулар сентябрь ахырында узды. Хәзерге канцлер Ангела Меркель кергән Христиан-демократлар блогы парламентта 48 урынны югалтты, социал-демократлар сайлауларга кадәр булганы белән чагыштырганда 53 кәнәфигә күбрәк алды.

Меркельнең вәкаләтләре рәсми рәвештә бетте, әмма ул яңа хакимият оешканга кадәр үз вазифаларын үтәүне дәвам итә.

🛑 Әгәр сезнең провайдер безнең сайтны томалап куйса, аптырамагыз, телефон йә планшетыгызга Азатлыкның RFE/RL әсбабын йөкләгез (App Store һәм Google Play кибетләрендә бушлай) һәм татар телен сайлагыз. Без анда да ничек бар, шулай!
🌐 Шулай ук, безнең Telegram каналына кушылырга онытмагыз!

XS
SM
MD
LG