Украинадагы сугышта Башкортстаннан тагын бер егет һәлак булган. Әлшәй районы Раевский авылыннан 22 яшьлек Руслан Хәлимов армиядән соң, 2020 елда, контракт нигезендә хезмәт итүгә күчкән булган.
Азатлык Украинада һәлак булучы Татарстан-Башкортстан хәрбиләренең исемлеген барлый.
Украинадагы сугышта Башкортстаннан тагын бер егет һәлак булган. Бүздәктән лейтенант Максим Ядров Казан югары танк училищесында белем алган. Соңрак Кырымга Кара диңгез флотына яр буен саклау бригадасына җибәрелгән.
Лейтенант белән хушлашу иртәгә булачак дип яза «Буздякские новости» басмасы.
Азатлык Украинада һәлак булучы Татарстан-Башкортстан хәрбиләренең исемлеген барлый.
Романиянең Сучава шәһәр мәхкәмәсе 36 яшьлек Әминә Гериханованы Русиягә тапшыру карары чыгарган, ул Украина белән чиктә тоткарланган булган. Мәскәү аны террорчылыкка катнашы булуда шикләнә, Гериханова исә канунсыз эәрлекләнүен белдерә.
Гериханова Украинага 2016 елда, ире Сүриягә киткәч үзен полиция хезмәткәрләре тоткарлый башлаганнан соң күченгән.
Кавказ.Реалии язуынча, аны 2022 елның мартында, җиде яшьлек улын да алып качаклар агымы белән бергә чикне чыкканнан соң, Романия полициясе тоткарлаган.
Ул Романиядән сәяси сыену сораган, дип белдергән басмага Гериханованың туганы. Моннан тыш ул качак статусы сорарга ниятли диелә.
АКШ Украинага нинди корал җибәрә?
Ак йорт 13 апрель көнне Украинага 800 миллион долларлык яңа хәрби ярдәм пакетын вәгъдә итте. Бу ярдәм кысаларында АКШ Украинага нинди яңа корал һәм җиһазлар җибәрергә җыена? Азатлык әзерләгән фотогалереядә карарга тәкъдим итәбез.
Боралаклар, ракетлар, радарлар. АКШ Украинага нинди корал җибәрә
Украинадагы сугышта Татарстаннан тагын бер егет һәлак булган. Богдан Лесниковның үлеме турында Азнакайның Вконтактедагы битендә Азнакай районы башлыгы Марсель Шәйдуллин хәбәр итте.Украинадагы сугышта Татарстаннан тагын бер егет һәлак булган. Богдан Лесниковның үлеме турында Азнакайның Вконтактедагы битендә Азнакай районы башлыгы Марсель Шәйдуллин хәбәр итте.
20 яшьлек Уфа студенты Олег Мамедов курыкмыйча ялгыз пикетларга чыга, шәһәр буйлап сугышка каршы стикерлар ябыштырып йөри. Моның өчен аны дүрт тәүлеккә тоткарлганнар һәм 55 мең сум штраф салганнар.
— Әгәр син Мәскәү йә Петербурдагы митингка чыгасың икән, тагын берничә мең кеше чыгачак. Уфа кебек куркытылган шәһәрдә бу мөмкин түгел. Син монда йә бер үзең, йә кечкенә бер төркем белән булачаксың. Күпләп чыгу әлбәттә иминрәк, — ди Мамедов.
Henkel концерны Русиядә эшчәнлеген туктата
Оешма Русиянең Украинада алып барган сугыш сәбәпле бу илдә эшчәнлекне алып бармаска карар калганын белдерә. Русиядә аларның 2,5 мең хезмәткәре эшли, әлегә алар хезмәт хакын алуын дәвам итәчәк.
Henkel оешмасы Русиядә Persil, Пемолюкс, Пемос, Ласка, Losk кебек юу матдәләре, Schwarzkopf, Fa, Taft кебек шәхси гигиена һәм косметика әйберләре, "Момент" җилемен һәм башка тауарларны җитештерде.
Сугыш йогынтысы: Акча күчерүгә бәйле чикләүләрдән студентлар һәм гади кешеләр дә интегә
Төркиядә яшәүче русиялеләр инде берничә атна үз чатларында Русия карталарыннан акча алу, акча күчерү мәсьәләсе турында сөйләшә. Путин Украинага каршы сугыш башлау сәбәпле кертелгән санкцияләрдән соң, бу мәсьәлә чит илдә яшәүче русияләрнең баш бәласенә әйләнде.
"Кеше нинди юл таба, шуның белән акча мәсьәләсен хәл итәргә тырыша. Акча күчерү мәсьәләләре чынлап та катлауланды", ди алар. Азатлык чит илдәге берничә татар белән сөйләште.
Тулырак монда укый аласыз.