Азатлык Украинаның соңгы көннәрдә каты бомбаланучы Николаев шәһәрендә дә татарлар белән элемтәдә тора. Шуларның берсе, Татарстанда туып үскән һәм Украинада инде дистәләрчә ел яшәүче татар кешесе сугыш шартларында шәһәрдә кешеләрнең ничек яшәве турында сөйләде. Русия армиясе шәһәрне яулап алган очракта, Путин турында чын фикерен әйткән өчен эзәрлекләүдән куркып, ул үз исемен язмауны сорады.