2 майда Татарстанда Ураза гаете узачак, республика мәчетләрендә бәйрәм намазлары укылачак. Бу хакта Казан мэриясенең матбугат үзәге хәбәр итә.
Казан мәчетләрендә һәм республиканың башка шәһәрләрендә иртәнге намазлар 6:30 сәгатьтә башланачак, 7:00дә гает вәгазьләре белән дәвам итәчәк. Гает намазы 7:30да укылачак.
"Авыл җирлекләрендә иртәнге намаз 3:00дә укылачак, 4:00дә гает вәгазе башлана, гает намазы 4:30га билгеләнгән", диелә хәбәрдә..
Татарстан мөфтие Камил Сәмигуллинның бәйрәм вәгазе "Хузур ТВ", "ТНВ-Татарстан" һәм "ТНВ-Планета" телеканалында, Татарстан мөселманнары Диния нәзарәте сайтында һәм "Хозур ТВ" телеканалының YouTube-каналында туры эфирда трансляцияләнәчәк.
2 майда, Ураза бәйрәме көнендә Казанда шәһәр мәчетләре яныннан узучы автобуслар һәм троллейбуслар иртәнге 5тән йөриячәк.
Шул ук вакытта бәйрәм алдыннан Казанда туристлар Кол Шәриф мәчетенә керә алмаячак. Чикләүләр 1 май 19:00дән 2 май 9:00гә кадәр гамәлдә булачак. Бу бәйрәм намазы уздыру белән бәйле, дип хәбәр итә Казан мэриясе.
🛑 Русиядә Азатлык сайты томаланды, нишләргә? Безнең кулланма.
🌐 Безнең Telegram каналына да кушылырга онытмагыз!
