"Татарча подкастта" туризм өлкәсенең бүгенге хәле турында фикер алыштык. Ковидтан куркып болай да өч елга якын өйдә яткан халык кайларда ял итә ала? Төркиягә билетлар никадәр артты? Казан һәм Уфадан чит илләргә туры очышлар бармы? Татарстан-Башкортстанда туристик инфраструктураның хәле ничек? Бу хакта Казаннан турагент Айгөл Сафина белән сөйләштек.

Подкастның эчтәлеге:

- Русияләр май бәйрәмнәренә ял итү өчен Төркия һәм Сочины сайлаган.
- Татарстан да беренче бишлектә.
- Казаннан чит илгә туры очышлар бармы?
- Төркиягә һәм Сочига юлламалар ничә сум тора?
- Ни өчен Сочи кыйбатрак һәм ни өчен халык барыбер аны сайлый.
- Дагыстанда әллә ни яхшы сервис юк, ләкин туристлар канәгать.
- Петербур, Алтай, Минераль Суларда ял итү күпмегә төшә?
- Халык Мексика сорый, туроператорлар Шри Ланканы тәкъдим итә.
- Туроператорлар Башкортстанга турлар сата башлаган. Ләкин Казаннан сораучылар юк.
- Республикаларда авыл туризмы, этнотуризмны үстерү хыяллары.
- Кадаксыз мәчет һәм мич коймагы – этноавыл мисалы бар бит.
- Төркиягә нинди акча белән барырга, билетларны ничек сатып алырга.
- Беларус, Үзбәкстан, Казакъстанга ихтыяҗ бармы?
- Booking, Airbnb платформалары Русиядән китте, аны алыштырырлык ниләр бар?
- Төрек отельләре 6 ай яшәргә рөхсәт итә һәм ВНЖ алу өчен белешмә бирә. Ул ничек эшли.