Казан үзәгендәге урамга Рудольф Нуриев исемен бирүне сорыйлар. Биючегә куелган һәйкәл янында шундый тәкъдим белән ялгыз пикет узган, аның фотосы Instagram-да чыкты.
Фотосурәткә аңлатма буларак язылган постта "Казанда Рудольф Нуриев урамы бар инде, әмма ул шәһәр читендә, "Примавера" коттеджлар бистәсендә" диелә. Автор битараф булмаучыларны бу тәкъдимгә кушылырга чакыра.
Бүген 17 март — Рудольф Нуриевның туган көне. Аңа 85 яшь тулган булыр иде.
- Рудольф Нуриев – дөнья балеты йолдызы, биюче һәм балетмейстер. Ул Франциядәге гастрольләре вакытында сәяси сыену урыны сорый.
- Казанда ел саен Нуриев исемендәге Халыкара классик балет фестивале уза. Фестивальгә исемен бирүгә биюче шәхсән үзе ризалык биргән. Нуриев 1992 елда Казанда булып киткән иде.
- 2018 елның ноябрендә Казанда Рудольф Нуриевка Русиядә беренче һәйкәл ачылды. Ул опера һәм балет театры янында урнашкан. Авторы - Зураб Церетели. Казан бистәсендәге урамга да аның исеме шул вакытта бирелде.
🛑 Русиядә Азатлык сайты томаланды, нишләргә? Безнең кулланма.
🌐 Безнең Telegram каналына да кушылырга онытмагыз!
Форум