Кышын Казан кар астында калса, соңгы елларда язын "чүп коллапсы" дигән проблем барлыкка килде.
Быелның 15 мартыннан 18 апреленә кадәр чүпне вакытында чыгармау турында "Халык контроле" порталына татарстаннардан 349 шикаять килгән.
Казан шәһәрендә шикаятьләр саны бер елда 5 тапкырга үскән. Шул ук вакытта чүп чыгару өчен түләүләр даими арта, ә моның өчен җаваплы региональ оператор, коры яфрак, ботакларны без чыгарырга тиеш түгел, дип белдерә.
