"Бүген ватанның батыр уллары — ата-бабалары кебек үк — нацизмга каршы сугыша. "Махсус хәрби операция"дә безнең якташлар ватанны һәм аның киләчәген саклауда изге бурычын үти. 1945 елда кебек үк дошман тар-мар ителәчәк. Җиңү безнеке булачак" дип сөйләде 9 майда Татарстан президенты Рөстәм Миңнеханов. Шул ук вакытта ул җаваплы булган республикада татарлык та, татар теле дә бетерелә. ТРга Украинадагы сугыштан көн саен диярлек яңа мәетләр кайтарыла, тик Миңнеханов Мәскәү башлаган бу сугышта күпме татарның үтерелгәне турында дәшми...