Курган өлкәсе Эчкен авылындагы янгын нәтиҗәсендә 7 кеше һәлак булган. Авылдагы 336 йорттан 92се генә калган. Шул ук вакытта бу татар авылына бер көндә 1 миллион сумнан күбрәк ярдәм җыелган. Бу хакта Дөнья татар конгрессы Башкарма комитеты җитәкчесенең беренче урынбасары Марс Тукаев хәбәр итте. Ярдәм җыюны Татарстан Диния нәзарәте, "Зәкәт" вакыфы, Башкортстандагы татар оешмалары да оештырган.