2022 елның 24 февралендә Русия Украинага бәреп керде. Сугыш әле дә дәвам итә.
Халыкны бутар өчен Русия пропагандасы бу сугышны "ватанны саклау" дип акларга тырыша, әмма бәрелешләр Украина җирләрендә бара, Русия — анда илбасар. Сугышның рәхимсезлеге, гаделсезлеге бу видеода да чагыла — ул үз ватанын саклаган украин ягыннан төшерелгән.
Бу видеода — эксклюзив кадрлар. Алар Азатлык хәбәрчесе камерасын украин сугышчысына тагып төшерелгән.
Бүген — 2023 елның 19 мае, сугышның 450нче көне. Безнең хисапка күрә, Мәскәү башлаган әлеге сугышта Татарстаннан кимендә 446 ир-ат һәлак булган. Башкортстанда бу сан 700не узып китте. Үлемнәр саны күпкә зуррак була ала, чөнки Русия хакимиятләре чын саннарны яшерә.