Accessibility links

Кайнар хәбәр

Rusiä-Ukraina gaz nizağı däwam itä


Rusiä belän Ukraina arasındağı gaz nizağı arqasında, Üzäk Yevropa illäre üz çeltärendä gaz basımı kümüe turında xäbär itä. Austriäneñ OMV gaz kompaniäse gaz külämeneñ 3-tän-bergä kümüen xäbär itte. Macarstannıñ MOL energiä törkeme Ukraina çigendä gaz basımınıñ 40 protsentqa kimeün belderde. Näticädä, Serbiä belän Bosniägä gaz cibärü kimetelä. Xorvatiä belän Slovakiä şulay uq, 30 protsent kimü turında xäbär itte. Romaniäneñ iqtisad ministrı Codrut Seres ildä gaz gaz qullanu könenä 5 million kubometrğa kimede dip belderde. Yewropa citäkçeläre Rusiä belän Ukrainanı gaz nizağın xäl utergä çaqırdı.

Ul arada nizaq däwam itä. Bügen Gazprom şirkäte Ukrainanı Yewropağa cibärelgän gaznı urlawda ğäyepläde. Gazprom räise urınbasarı Aleksandr Medvedev süzlärençä, ber kön eçendä 100 million kubometr gaz urlanğan. Räsmi Kiev bu ğäyepläwne kire qaqtı. Ukrainanıñ energetika ministrı İvan Plaçkov süzlärençä, Ukraina üzeneñ gazın häm Törkmanstannan alğan gaznı qullana. Berük waqıtta Plaçkov, könnär salqınaytsa, Rusiäneñ tranzit öçen tülägän öleşen qullanu ixtimalın äytte.
XS
SM
MD
LG