Bügen biredä Rusiä prezidentı Vladimir Putin İrannıñ atom programması mäs'äläsendä Mäskäwneñ pozitsiäse Yewropa häm Quşma Ştatlarnıqına bik yaqın dide.
Bügen Londonda Rusiä diplomatları häm BMO İminlek Şurasındağı qalğan 4 daimi äğzanıñ wäkilläre İrannıñ atom programması mäs'äläsen niçek çişu turında söyläşügä cıyıldı.
Ul oçraşu aldınnan AQŞ däwlät sekretare Condoleezza Rice dönya İrannıñ atom programması mäs'äläsen İminlek Şurasına tapşıru eşen tiz başqarırğa tieş dide.
Britaniä belän Fransiä dä AQŞnıñ pozitsiäsen yaqlıy. Şuradağı 5-nçe daimi äğza Qıtay älegä açıq belderü belän çıqmadı.
