Rusiäneñ Gazprom şirkäte ildäge salqınnar säbäple Yewropağa tabiği gaz cibärüne kimetkän dip xäbär itelä.
İnterfax Gazpromdağı çığanaqlarnıñ Macarstanğa gaz cibärü kimede, bu üzgäreş başqa illärgä dä tä'sir itäçäk digän süzlären kiterä. Reuters Gazprom räsmie başqa illär digändä Bosniä-Hersegovina, İtaliä, Awstria küzdä totıluın äytte di.
Şul uq waqıtta Gazprom Yewropağa gaznı kileşüdä qaralğannan 7 protsenqa kübräk cibärüe turında belderde.
Xäbärlärgä qarağanda bu kimetü waqıtlıça ğına häm ul Rusiäneñ könbatışındağı salqın könnärdä gaz yağunıñ artuı belän añlatıla.
Rusiädä bu könnärdä salqınnarnıñ küp kenä keşelärneñ ülemenä säbäp buluı turında äytelä. Tübän Novgorodta boz yarılıp avtobus su astına kitkän, 6 keşe ülgän.
Ufadağı xäbärçebez Räzmit Abüläyev äytüençä, Ufanıñ Çernikovka bistäsendä barlığı 5 meñnän artıq keşe cılısın häm qaynar susız qalğan.
