Uzğan programmabızda Başqortstannan Xacğa kitkän 340 keşelek ber törkemneñ çärşämbe kiçendä Ufağa isän-saw äylänep qaytuı xaqında xäbär itkän idek inde. Atnakiçtän comğağa qarşı töndä 40 keşelek tağın ber xacilar törkeme Ufağa qaytıp citte häm şulay itep barlıq xacilarnıñ da tuğan yaqlarğa isän-imin qaytuları xaqında belderelde. Soñğı törkem xacilar İzge säfärgä Ufadağı “İxlas” mäçete häm “İdel-Xac” şirkäte oyıştıruı buyınça barğan ide. Xacilar bäla-qaza kürmägän, barı tik qayberläre ozaq yulda talçıqqan häm salqın ğına tidergän.
Fänis Fätxi, Ufa.
