Accessibility links

Кайнар хәбәр

Peterburda Musa Bigi onığı xac tarixın öyränä


Uzgärtep qoru başlanıp, çiklär açılğaç. Rusiä möselmannarına xacğa yörü mömkinçelege çığa. Xacğa yörüneñ üzeneñ dä şaqtıy qızıqlı tarixı bar, häm ul tarix arxivlarda cıyılğan çığanaqlarda saqlanğan. Peterburgta yäşäwçe millättäşebez Älmira Tahircanova berniçä yıl ğömeren menä şul materiallarnı öyränügä birgän. Älmira xanım - Musa Bigineñ onığı, tanılğan şärıq belgeçe Abdraxman Tahircanovnıñ ulı - Möxämmätneñ tormış iptäşe. Möxämmät üze - fizik, şärıq fännäre, islam tarixınnan şaqtıy yıraq. Anıñ qarawı, bolar barısı da Älmirağa bik yaqın. Kilen qaynana tufrağınnan yaratıla, dilär bit, qaynata tufrağınnan da bula torğandır inde. Härxäldä, Älmira xanım küp yıllar inde Peterburg möselmannarı tarixı belän şöğellänä. Ul äzerlägän materiallar "Tatarskie novosti" gäzitendä dä çığıp tora.

Älmira xanım Tahircanova belän äñgämäbez Rusiä möselmannarınıñ xacğa yörü tarixına qağıla (audio).

Üktäber inqilabınnan soñ yörülär tuqtap torğan. Peterburg mäçeten yañadan açqaç, 1956 yılda mäxälläneñ räise Xälim abzıy Şaxmametev berençe tapqır xacğa cıyına. Anı Leningradnıñ Mäskäw vokzalında bik küp xalıq ozatıp qala. Qaytuın kötüçelär dä platformağa sıyarlıq bulmıy. Xäzer inde matdi mömkinçelege, sälamätlege bulğan härkem xac qılırğa xoquqlı. Tik barırğa teläwçelär sanı soñğı yıllarda bik küp tügel. Bıyıl, mäsälän, Peterburgtan 10 keşe barğan, aralarında ber genä millättäşebez dä yuq.

Gölzadä Kamalova, Sankt-Peterburg

XS
SM
MD
LG