Rusiä başqalasına bügen İrannıñ atom programması söyläşülärendäge baş aradaşçısı Ali Larjani kilde. Larijaninıñ Rusiä İminlek Şurası başlığı İgor İvanov belän oçraşuı qaralğan ide. Tağın ber İran diplomatı, tışqı eşlär ministrı Mähdi Safari, düşämbe könne Mäskäwdä Rusiä tışqı eşlär ministrı Sergei Lavrov belän oçraştı. Bügen isä Safari Rusiäneñ atom energiäse idäräse, Rosatom başlığı Sergei Kiriyenko belän oçraşıp Rusiäneñ Buşerdağı atom berläşmäsendäge eşkä qatnaşuı turında söyläşülär uzdırdı. İran diplomatı, atom qorılmasınıñ bıyıl eşli başlawına ömet belderde. İrannıñ uran bayıtuın Rusiä cirendä başqaru turında söyläşü bulğanmı yuqmı – bu säğätkä andıy mäğlümat yuq, Mäskäw bu xaqta üze täqdim itkän ide.
