Mäskäw -- Rusiä deputatları bügen Yewropa kollegalarına möräcäğät itep, çit il yäşeren xezmätläreneñ xökümättän bäysez oyışmalarnı finanslaw tärtibenä tänqit bälderergä çaqırdı. Bu möräcäğtne Dumanıñ 415 deputatı xupladı. Dokumentta Britan şpionnarı Rusiäneñ xökümättän bäysez oyışmaların finanslağan digän soñğı ğäyepläwlär kiterelä. Älege mäsälägä bügen Peterburda Rusiä prezidentı Vladimir Putin da tuqtaldı. "Xökümättän bäysez oyışmalar (XBO) turındağı qanunnıñ ni öçen qabul itelgänen xäzer küplär añlıy dip uyılıym. Bu qanunnıñ maqstı – çit illärneñ Rusiäneñ eçke eşenä tıqşınuına çik quyu, xökümättän bäysez oyışmalarnı finanslawğa uñay-açıq şartlar buldıru," di Rusiä prezidentı. Putin şpionlıqta ğäyeplängän Britan diplpmatların ildän quu mäsäläse äle xäl itelmägän dide. Bu atnada Rusiäneñ İminlek xezmäte Mäskäwdäge Britan ilçelegeneñ 4 xezmätkären şpionlıq itüdä, xökümätän bäysez berniçä oyışmağa yärdäm itüdä ğäyepläde. Britan xökümäte moña cawap qaytarmadı. Rusiäneñ xökümätän bäysez oyışmaları FSBnı Kremlne tänqitlägän oyışmalarğa bäylänüdä ğäyepläde.
