Ägär tabiplar süz qatmağan bulsa, Çiläbeneñ yuğarı xärbi tank mäktäbendä 19 yäşlek Andrei Sıçev belän bulğan bu qotıçqıç xäl turında, cämäğätçelek işetmägän dä bulır ide. Soldat Anaları Komitetı belderüençä, Sıçevqa operatsiä yasağan tabiplarğa xärbi citäkçelär tellären qısıp totarğa quşqan. Tik alar batırçılıq itep Komitetqa xäbär itkän.
Yaña yıl kiçendä ber törkem qart soldatlar yäşlärne kimsetü tamaşası oyıştırğan. Rusiä armiäsendä mondıy ğämällär dedovçina dip atala. İñ nığı Andrei Sıçevqa eläkkän, anı qıynağannar, köçlägännär, säğätlär buyı çügäläp utırırğa mäcbür itkännär, şul arada ayaqlarına tipkälägännär. Näticädä qan yulları qısılğan, häm bu gangrena başlanuğa kitergän. Ayağında basıp tora almaslıq xälgä citkäç kenä, Ğinwarnıñ 4ndä anı tabip qarağan. Tağın 3 könnän operatsiä yasağannar. Axır çiktä tabiplar yegetneñ ayaqların häm censi äğzaların kisergä mäcbür bulğan.
Rusiäneñ mäglümät çaraları bu waqiğanı şuşı atnada bäyän itte. Häm ul şunduq xärbi citäkçeläregä barıp citte. Läkin Saqlanu ministrı İgor İvanov başta waqiğanı kimetep kürsätergä tırışıtı. "Anda ber citdi närsä bulmağandır, yuq isä miña xäbär iterlär ide" dide ul çärşämbedä. Comğada isä "Ni öçen bez bu turıda Mäskäwdä 2 kön elek kenä işettek. Bu mäsxärä xällär yaña yıl kiçendä bulğan. Bezeñ ofitser-generallarğa berençe soraw şul – ni öçen alar 25 kön buyına bu turıda xäbär itmägän" dide.
İvanov bu xällärne tikşerergä färman birde, häm 7 keşeneñ inde qulğa alınuın xäbär itte. Cir-öste ğäskärläre başlığı general Aleksi Maslov Çiläbegä kilde. Saqlanu Ministrlığı Çiläbe tank mäktäbeneñ kiläçäktä taratıli ixtimalın xäbär itte.
Xoquq yaqlawçılar monıñ belän genä qänäğät tügel. Soldat Anaları komitetı başlığı Valentina Melnkiova Saqlanu ministrı İvanovnıñ üzen urınınan kitergä çaqırdı. Xoquq yaqlawçılar yegetkä aşığıç yärdäm kürsätmägän xärbi citäkçelärgä kisken tänqit belderä. Yegetneñ anasına da alar berençe operatsiädän soñ ğına xäbär itkän.
Xoquq yaqlawçılar - bu oçraq tikşereler, ğäyeplelär xökem iteler dip ömetlänä, tik monıñ belän genä dedovçinanıñ betäçägenä ışamıy. Soldat Anaları komitetı başlığı Valentina Melnkiova "Bu tikşerüdän ni fayda. Yarıy, qulğa aldılar, xökem ittelär, di. Alar monda tikşergän arada, başqa urında meñlägän keşe mäsxärä itelä bit," dide.
Soldat Anaları komitetı mäglümätenä kürä, armiädäge mondıy xällärneñ 80 protsentı ğömümän xäbär itelmi. Xäbär itküçelär dä qorbannarnıñ tuğannarı, tabiplar, xoquq yaqlawçılar.
Salqanu Ministrlğı mäglümätenä kürä uzğan yılda qıynaludan 16 xärbi ülgän. Xoquq yaqlawçılar isä bu san küpkä kübräk di. Räsmi sannarğa kürä, 2005 yılda Rusiä armiäsendä 276 keşe üzenä qul salğan. Bernindi bäreleşsez, tınıç şartlarda ülüçelär sanı – 857.
Ali Gilmi
Yaña yıl kiçendä ber törkem qart soldatlar yäşlärne kimsetü tamaşası oyıştırğan. Rusiä armiäsendä mondıy ğämällär dedovçina dip atala. İñ nığı Andrei Sıçevqa eläkkän, anı qıynağannar, köçlägännär, säğätlär buyı çügäläp utırırğa mäcbür itkännär, şul arada ayaqlarına tipkälägännär. Näticädä qan yulları qısılğan, häm bu gangrena başlanuğa kitergän. Ayağında basıp tora almaslıq xälgä citkäç kenä, Ğinwarnıñ 4ndä anı tabip qarağan. Tağın 3 könnän operatsiä yasağannar. Axır çiktä tabiplar yegetneñ ayaqların häm censi äğzaların kisergä mäcbür bulğan.
Rusiäneñ mäglümät çaraları bu waqiğanı şuşı atnada bäyän itte. Häm ul şunduq xärbi citäkçeläregä barıp citte. Läkin Saqlanu ministrı İgor İvanov başta waqiğanı kimetep kürsätergä tırışıtı. "Anda ber citdi närsä bulmağandır, yuq isä miña xäbär iterlär ide" dide ul çärşämbedä. Comğada isä "Ni öçen bez bu turıda Mäskäwdä 2 kön elek kenä işettek. Bu mäsxärä xällär yaña yıl kiçendä bulğan. Bezeñ ofitser-generallarğa berençe soraw şul – ni öçen alar 25 kön buyına bu turıda xäbär itmägän" dide.
İvanov bu xällärne tikşerergä färman birde, häm 7 keşeneñ inde qulğa alınuın xäbär itte. Cir-öste ğäskärläre başlığı general Aleksi Maslov Çiläbegä kilde. Saqlanu Ministrlığı Çiläbe tank mäktäbeneñ kiläçäktä taratıli ixtimalın xäbär itte.
Xoquq yaqlawçılar monıñ belän genä qänäğät tügel. Soldat Anaları komitetı başlığı Valentina Melnkiova Saqlanu ministrı İvanovnıñ üzen urınınan kitergä çaqırdı. Xoquq yaqlawçılar yegetkä aşığıç yärdäm kürsätmägän xärbi citäkçelärgä kisken tänqit belderä. Yegetneñ anasına da alar berençe operatsiädän soñ ğına xäbär itkän.
Xoquq yaqlawçılar - bu oçraq tikşereler, ğäyeplelär xökem iteler dip ömetlänä, tik monıñ belän genä dedovçinanıñ betäçägenä ışamıy. Soldat Anaları komitetı başlığı Valentina Melnkiova "Bu tikşerüdän ni fayda. Yarıy, qulğa aldılar, xökem ittelär, di. Alar monda tikşergän arada, başqa urında meñlägän keşe mäsxärä itelä bit," dide.
Soldat Anaları komitetı mäglümätenä kürä, armiädäge mondıy xällärneñ 80 protsentı ğömümän xäbär itelmi. Xäbär itküçelär dä qorbannarnıñ tuğannarı, tabiplar, xoquq yaqlawçılar.
Salqanu Ministrlğı mäglümätenä kürä uzğan yılda qıynaludan 16 xärbi ülgän. Xoquq yaqlawçılar isä bu san küpkä kübräk di. Räsmi sannarğa kürä, 2005 yılda Rusiä armiäsendä 276 keşe üzenä qul salğan. Bernindi bäreleşsez, tınıç şartlarda ülüçelär sanı – 857.
Ali Gilmi