Gaza -- Hamas törkeme räsmie İsmail Xäniä, Fälästin xalqınıñ üzen saqlarğa xoquqı bar dip belderde. Xalıqara cämäğätçelek küptän tügel saylawlarda ciñep çıqqan Hamas törkemen qoralın taşlarğa çaqırğan ide. Bügenge belderüen Xäniä İzrail oçqıçları uzğan töndä Gazada hawa höcümnäre başqarğannan soñ yasadı. Höcüm näticäsendä Äl-Aqsa şähitläre törkemeneñ 3 äğzası üterelgän, 8-e yaralanğan. İzrail monı comğa könne bulğan raketa höcümenä cawap dip belderä. Ul höcüm näticäsendä 4 İzraille yaralanğan.
