4 kön elek Qızıl diñgezdä köymä batıp xäbärsez yuğalğan keşelärneñ açulı tuğannarı bügen köymä xucası bulğan şirkätkä bärep kerde. Söğüd Ğärpstannan Mısırğa yul totqan köymädä 1400gä yaqın keşe bar ide, 420gä yaqın yulçı isän qalğan, 190nnıñ mäyetläre çığarılğan. 4 kön tabılmağan tuğannarı turında xäbärsez yäşägän keşelär bügen Safağa portında şirkätneñ ofisların tar-mar itte. Polisiä alarnı yäşländerü gazın qullanıp tarattı. İsän qaluçılar häm häläk bulğannarnıñ tuğannarı şirkätne iske, iminlek standartlarına turı kilmägän köymäne säfärgä çığaruda ğäyepläde. Şulay uq qotqaru çaralarınıñ da soñarıp başlanuı da küp sorawlar tudıra.
