Hamas oyışması citäkçeläreneñ berse, Xaled Meşaal, BBCğa birgän äñgämäsendä, İzrail belän ozın möddätle solıx mömkin eş, ämma anıñ 1967nçe yılğı çiklärenä qaytuı şart , dip belderde. Şulay uq ul, Hamas köç qulludan baş tartmıyaçaq, çönki Hamas – köç qullanunı – okkupasiägä qarşı qanunlı çara dip sanıy, dide.
Hamas Mısır başqalası Qahirädä yaña xökümät häm premyer-ministr urınına namzätlär turında söyläşülär uzdırdı. AP mäğlümat agentlığı ber Hamas räsmie süzlärenä işärä itep, oyışma xökümät başlığı urınına Jamal al-Xudairinı täqdim itü turında kileşkän, dip xäbär itte. Al-Xudairi – Gazada eşquarlıq belän şöğellänä, Hamas yardäme belän bäysez namzät bularaq parlament saylawlarında qatnaşqan häm Gazadağı İslam Universitetınıñ idarä räise bulıp tora.
