Cäzair. Amerikan saqlanu ministrı Donald Rumsfeld bügen, Washington üzeneñ Cäzair belän xärbi wä terrorğa qarşı xezmättäşlegen nığıtırğa teli, dip belderde. Bu xaqta ul şuşı ilgä yasağan säfäre waqıtında äytte. Anda Rumsfeld prezident Ğäbdelğäziz Buteflika belän oçraştı. Amerikan saqlanu ministrı Tunistan kilde, Cäzairdän soñ ul Marokka yul totaçaq. Şuşı säfärlär aşa Quşma Ştatlar Tönyaq Afrikadağı salmaq möselman illären yaqlawın kürsätergä tırışa.
