Accessibility links

Кайнар хәбәр

Rusiä häm Gruziä räsmiläre Könyaq Osetiädäge Rusiä tınıçlıq saqçıları turında söyläşte


Gruziäneñ nizağlarnı çişü ministrı Giorgi Xaindrava bügen biredä Rusiä tışqı eşlär ministrlığı räsmiläre belän söyläşülär ütkärde. Kiçä Gruziä parlamentı Könyaq Osetiädän Rusiä tınıçlıq saqçıların çığarırğa çaqırıp tawış birgän ide. Parlament Gruziä xökümätenä Rusiä tınıçlıq saqçıların çığaru öçen çaralar küregä häm Tiflis belän Könyaq Osetiä arasında yılyarım däwam itkän suğıştan soñ 1992-nçı yılda Gruziä belän Rusiä arasında tözelgän kileşüne küzdän kiçerergä kiñäş itte. Xaindrava xökümät parlamentnıñ bu qararına qolaq salaçaq dide. Rusiä tışqı eşlär ministrlığı süzçese Mixail Kamınin söyläşülärneñ maqsatı Gruziä xökümäteneñ pozitsiäsen açıqlaw dide. Rusiä xärbi köçläreneñ baş idaräsen citäkläwçe Yuriy Baluevskiy Rusiä tınıçlıq saqçıları kitsä anda watandaşlar suğışı çığaçaq dide. Gruziä Rusiäne separatistlar yağındı buluda ğäyepli. Yewropada İminlek wä xezmättäşlek oyışması Gruziä xökümäten parlament qararına çamalı reaksiä kürsätergä, ike yaqnı da kierenlekne arttırırğa mömkin adımnardan tıyılırğa çaqırdı.
XS
SM
MD
LG