Soñğı mäglümätlärgä qarağanda iñ kimendä 30 keşe hälaq bulğan, 50 keşe yaralanğan. Qaza kürüçelärneñ kübese şığıylar.
Baaqub şähäre yanında atıp üterelgän 9 keşe mäyete tabılğan.
Ğıyraqnıñ tönyäğındağı Tikret şähärendä şartlawdan, xäkimiättän töşerelgän Säddäm Xösäyenneñ ätise qäbere yanındağı mäçet cimerelgän.
Ğıyraq xäkimiätläre, çärşämbedän birle, ildä çirattağı köç qullanular köçäyep kitkännän soñ, 35 ekstremistnı yuq itüläre häm 500 keşene qulğa aluları xaqında xäbär itä.
Uzğan çärşämbedä şığıylarnıñ törbäse şartlatılğannan soñ, sönnilär belän şığıylar arasındağı mönäsäbät tağın da kiskenläşte.
